>
"සිංහලයො වනාහී දඹදිව දී මා විසින් දක්නා ලද අන් හැම මිනිසුන්ටම වඩා යහපත් අයවෙති. භාග්ය සම්පන්නද වෙති. ඔවුහු මධුර කථා ඇති අතර ආදරශීලි මනුෂ්යයෝය. සින්හලයාගේ ගුණධර්ම සැකවින් වර්ණනාකරතොත් මෙසේය, ඔවුන්ගේ ගමන් ලීලාවද හැසිරීමද ඉතා උදාරය. යම් කිසිවක් වහා තේරුම් ගතහැකි විචක්ශණ ඤාණයක් සින්හලයන්ට ඇත.ඔවුහු ස්භාවයෙන්ම මස් කෑමත්, මත්පැන් බීමත් අප්රියකරති.ඔවුහු කිපෙන සුළු නොවෙති. කෝපයක් ඇති වුවත් වහා සංසිදුවාගෙන සමගිවෙති.සින්හලයෝ ඇඳුමෙන් පිරිසුදුය. ඉතා ශිෂ්ඨ ලෙස ආහාර අනුභව කෙරෙති.වැඩිවෙලා නොනිදති.
සිංහල ස්ත්රීන්ගේ හැසිරීම සුවිනීතය. ගමන ඉතා සංවරය.සිංහල ස්ත්රීහු අරපරෙස්සමේ ඉතා දක්ෂය.පුරුෂයෝ ස්වකීය භාර්යාවන් අතිශයින්ම විශ්වාස කරති.සිංහල ස්වාමිදුව මහේශාක්ය වුවත්,දැසිදස්සන් සිටියත්,සියතින්ම සියළුම කටයුතු කීරීමට උනන්දුවෙයි.
සිංහලයෝ උදේ හවස පිළිම වහන්සේ ඉදිරියේ මල් පූජා කරති. නවගුණ වැල නම් වූ ඇට වලින් සැදුනු මාලයක් අතින් ගෙන නිතර භාවනාවෙ යෙදෙති.හොරකම් කිරීම අතිශය පිලිකුල් කොට සලකති.කිසිම සිංහලයෙකු කිසිම දිනක හොරකම් කල බවක් මම අසා නොමැත. සිංහලයෝ කරුණා කරති. අන් අයට උපකාර කරති. ආගන්තුකයින්ට දයාවෙන් සංග්රහ කරති. සිංහලයෝ ළග මේ ගුණධර්ම ඇතිබව මම අත්දැකීමෙන් දනිමි. සින්හලයන්ගේ භාෂාවද සින්හලයන් මෙන්ම පොහොසත්ය.එය මටසිලිටුය, සුමධුරය, අලංකාරය. සිංහලයෝ චතුර කතිකයෝය.සිංහල ද්වීපයේ එකම හිගන්නෙක්වත් නැත"
"රොබට් නොක්ස් විසින් රචිත - එදා හෙලදිව ග්රන්තයේ පරිවර්තන කෘතියකින් උපුටා ගන්න ලද්දකී"
ඉංග්රීසි ග්රන්තයේ පිටපතක් ලබාගැනීමට මෙතන click කරන්ඩ
ඔය රොබට් නොක්ස් දැක්ක 1680 ගනන් වල හෙලදිව, දැන් 2010 කාට හරි ලියන්ඩ පුලුවන්නම් මෙදා හෙලදිව තත්වය ගැන කොහොම වෙයි කියලද, එහෙමත් නැත්තම් අද රොබට් නොක්ස් මත්තයා හිටියනම් අපි ගැන මොන ලියයි කියලද හිතන්නේ.
කලින් ලිපි
Read More... එදා හෙළදිව සහ මෙදා හෙළදිව,
Posts
